पदस्थापन कार्यक्रम सम्पन्न

लायन्स क्लब अफ आँबुखैरेनी लियो क्लब अफ आँबुखैरेनी र लायन्स क्लब अफ डुम्रे विमलनगरको गत सोमबार विमलनगरमा पदस्थापन कार्यक्रम सम्पन्न भएको छ । लायन्स जिल्ला परिषद ३२५ वि नेपालका डिस्ट्रिक्ट गभर्नर लायन अरुण प्रताप राणा एम।जे।एफ। प्रमुख आतिथ्य रहेको उक्त कार्यक्रममा वर्ष २००८÷०९ को कार्यकाल पूरा गरेका लायन्स क्लब अफ आँबुखैरेनीका अध्यक्ष लायन हरिभक्त श्रेष्ठले वर्ष ०९÷१० का अध्यक्ष लायन ऋषि केसीलाई पद हस्तान्तरण गर्नुभएको थियो भने सोहि वर्षका डुम्रे विमलनगरका अध्यक्ष लायन गोविन्द अधिकारीले लायन ऋषिराम अधिकारीलाई अध्यक्ष पदको हस्तान्तरण गरिएको थियो । यसै गरि लियो क्लब अफ आँबुखैरेनीको पनि सोहि अवसर पारेर पदस्थापन कार्यक्रम सम्पन्न गरेको छ । लियो उज्ववल श्रेष्ठले वर्ष २००९÷१० अध्यक्षका अध्यक्ष लियो प्रेम कुमार श्रेष्ठलाई पद हस्तान्तरण गरिएको थियो । साथै कार्यक्रममा लियो क्लब अफ आँबुखैरेनी द्वारा प्रकासित लियो दर्पण समेत वितरण गरिएको थियो । सोही दिनको अवसर पारेर लायन्स क्लब अफ डुम्रे विमलनगरले निर्माण गरेको शिद्ध गुफा प्रवेशद्धारको पनि कार्यक्रमका प्रमुख अतिथीबाट उद्घाटन गरिएको थियो ।